|||  නුඹට ලියමි |||

එකෝමත් එක දාක දුටු හීනයක
මට මාව නොපෙනුනාට
වැඩි එළිය නැති
ඒ හීනෙම කොනක
හීනියට නුඹව පෙනුනා

එකෝමත් එක දාක ලියු කවක
මගේ වග නැතත්
හැම පදයක් ගානෙම
අඩුවක් පාඩුවක් නැතුව
නුඹ ගැනම ලියැවිලා තිබුණා

එකෝමත් එක දාක රෑ අහසක
කළු වලාකුල් බොහොම
අමාවක පොහොයක
එකම තරුවයි අහසට
ඒ තරුව නුඹ නේද සිතුනා

එකෝමත් එක තවත් දවසක
මට නුඹව නොපෙනෙන
නුඹට මම නොපෙනෙන
එදා රෑ ලියූ කවියෙ පද
මට මගේ නොවෙයි හිතුනා

~අමා~